ریاض(مانیٹرنگ ڈیسک)سعودی عرب کا عمزہ زائرین کی سہولت کیلئے شاندار اقدام، مدینہ منورہ میں عمرہ زائرین کیلئے شٹل سروس کا آغاز کردیا گیا۔
عرب میڈیا کے مطابق مدینہ منورہ کی بلدیہ نے مسجد نبویﷺ، مسجد قبا اور میدانِ سید الشہدؓا آمد و رفت کے لیے شٹل سروس کا تجرباتی آغاز کیا ہے، اس مقصد کے لیے 100 گولف گاڑیاں فراہم کی گئی ہیں۔ مدینہ منورہ کی بلدیہ کا کہنا ہے کہ مسجد نبویﷺ آنے جانے والے راستوں پر چوبیس گھنٹے ٹرانسپورٹ کی سہولت مہیا کی جائے گی۔گولف گاڑیوں میں پانچ سے سات افراد کے سفر کی گنجائش ہوگی، آئندہ چھ ماہ میں اِن گولف گاڑیوں کی تعداد پانچ سو کر دی جائے گی۔
