اسلام آباد (وقائع نگارخصوصی)الیکشن کمیشن آف پاکستان نے قومی اسمبلی کی 33 نشستوں پر ضمنی انتخاب کے شیڈول کااعلان کردیا گیا ، 33 نشستوں پر ضمنی انتخابات 16 مارچ کو ہوں گے۔
”پاکستان ٹائم “ کے مطابق الیکشن کمیشن نے قومی اسمبلی کی 33نشستوں پر ضمنی انتخاب کےشیڈول کااعلان کردیا،ملک بھر میں قومی اسمبلی کی 33 نشستوں پر ضمنی انتخابات 16 مارچ کو ہوں گے۔شیڈول کے تحت ضمنی انتخابات کے لیے کاغذات نامزدگی 6سے 8فروری تک جمع کرائے جاسکیں گے اور کاغذات نامزدگی کی جانچ پڑتال 9فروری کو ہو گی جبکہ انتخابی نشانات 23فروری کوجاری کئے جائیں گے۔الیکشن کمیشن کا کہنا ہے کہ کراچی کے 9 حلقوں، راولپنڈی کی 5 ،اسلام آباد کی تین، لاہور اور ملتان کے دو دو اور خیبرپختونخوا کے قومی اسمبلی کے 8 حلقوں میں انتخابات ہوں گے۔بلوچستان کے ایک حلقہ این اے 265 کوئٹہ میں 16 مارچ کو الیکشن ہوگا جبکہ جہلم، بھکر اور ڈی جی خان کی ایک ایک نشست پر بھی 16 مارچ کو پولنگ ہوگی۔اس کے علاوہ کراچی میں قومی اسمبلی کی نشست این اے 241 کورنگی،این اے 242 شرقی ، این اے 243،این اے 244،این اے247 جنوبی، این اے 243،این اے 244،این اے247 جنوبی پر ضمنی الیکشن ہوں گے۔سوات، ہری پور، صوابی نوشہرہ، کوہاٹ،ڈی آئی خان، اسلام آباد،راولپنڈی، جہلم،بھکر،کوئٹہ سے قومی اسمبلی کی نشستوں پر بھی ضمنی انتخابات ہوں گے۔واضح رہے تحریک انصاف کے اراکین کے استعفوں کے باعث یہ حلقے خالی ہوئے تھے۔
