پشاور(کرائم رپورٹر)قومی احتساب بیورو (نیب) خیبرپختونخوا نے پاکستان تحریک انصاف(پی ٹی آئی) کے مرکزی رہنما علی امین گنڈا پور اور ان کے خاندان کے اثاثوں کی تحقیقات شروع کردی ہے۔
”پاکستان ٹائم “ کے مطابق نیب خیبرپختونخوا نے ڈپٹی کمشنر ڈیرہ اسماعیل خان سے سابق وفاقی وزیر علی امین گنڈا پور اور ان کے خاندان کی ملکیتی جائیداد کی تفصیلات طلب کر ہیں۔اس ضمن میں تحریر کردہ مراسلے کے تحت علی امین گنڈا پور اور ان کے بھائیوں کی رہائشی وکمرشل جائیدادوں کی تفصیلات مانگی گئی ہیں۔تحریر کردہ مراسلے میں ڈی سی ڈی ا?ئی خان سے کہا گیا ہے کہ وہ علی امین خاندان کے کل گیارہ افراد کے اثاثوں کی تفصیلات فراہم کرنے کے علاوہ ہتھیالہ، کلاچی، سی پیک کے مغربی روٹ اور گومل زام ڈیم کے قریب موجود ان کی جائیدادوں کی تفصیلات بھی دیں۔اس حوالے سے بات چیت کرتے ہوئے فیصل امین گنڈا پور نے کہا کہ پہلے سے پیغامات آ رہے تھے کہ عمران خان سے پیچھے ہٹ جائیں لیکن ہم اصولوں پر قائم ہیں، علی امین کے سکول جانے والے بچوں کو بھی نوٹس میں شامل کیا گیا ہے حالانکہ تمام جائیدادیں سب کے سامنے ہیں، سیدھا ہی پوچھ لیتے تو ہم بتا دیتے۔
