ہانگ کانگ(مانیٹرنگ ڈیسک)ٹورازم کے حوالے سے دنیا بھر میں اپنی منفرد شناخت رکھنے والے ملک ہانگ کانگ کی حکومت نے کورونا کی وجہ سے 3 سالہ سفری پابندیاں ختم ہونے کے بعد 5 لاکھ مفت فضائی ٹکٹس دینے کا اعلان کردیا۔
غیر ملکی خبر رساں ادارے کی رپورٹ کے مطابق ہانگ کانگ نے سیاحوں کے لیے ایک بار پھر اپنے دروازے کھول دیے ہیں، حکومت نے سیاحوں کو دوبارہ ملک میں متوجہ کرنے کے لیے ’ہیلو ہانگ کانگ‘ کے عنوان سے مہم شروع کی ہے،یہ مہم ملکی معیشت کو بحال کرنے کے لیے کی گئی جہاں ملک میں کورونا پابندیوں کے بعد سیاسی دباو¿ اور کاروبار شدید متاثر ہوا تھا۔چیف ایگزیکٹو جان لی نے کاروباری افراد اور سیاحوں سے خطاب کرتے ہوئے 5 لاکھ مفت ٹکٹس فراہم کرنے کا اعلان کرتے ہوئے کہا کہ اب وہ ملک کی رونق دیکھ سکیں گے، انہوں نے کہا کہ ہانگ کانگ میں اب کوئی قرنطینہ اور پابندیاں نہیں ہے۔مفت ٹکٹس کی فراہمی کا آغاز رواں سال مارچ سے ہوگا جو مخصوص ایئر لائنز کے ذریعے تقسیم کیے جائیں گے جن میں کیتھی پیسیفک، ایچ اے ایکسپریس اور ہانگ کانگ ایئرلائن شامل ہیں،اس کے علاوہ موسم گرما کے دوران 80 ہزار مفت ٹکٹس مقامی رہائشی افراد کو بھی دی جائیں گی ۔چیف ایگزیکٹو جان لی کا کہنا تھا کہکسی بھی ملک کی جانب سے غالباً یہ دنیا کا سب سے بڑا خیر مقدم (ویلکم) ہے۔واضح رہے کہ چین میں سخت کورونا پابندیوں، سرحد بند ہونے اور ماسک کے لازمی استعمال کے بعد ہانگ کانگ میں کورونا وائرس ختم ہوگیا ہے تاہم چین میں ایک بار پھر 2022 کے اوائل سے اومیکرون ویرینٹ پھیلنا شروع ہوگیا۔
