کراچی(کامرس رپورٹر)کاروباری ہفتے کا آغاز ہوتے ہی ڈالر کی قیمت میں اتارچڑھاو کا سلسلہ جاری ہے۔
”پاکستان ٹائم “ کے مطابق کاروبار کے آغاز پر ہی انٹربینک میں ڈالر کی قیمت میں 2.57 روپے کمی ہونے کے بعد ڈالر 274 روپے پر آ گیا ہے۔دوسری جانب اوپن مارکیٹ میں ڈالر 2 روپے مہنگا ہونے کے بعد ڈالر 280 روپے کی بلندی ترین سطح پر پہنچ گیا۔گزشتہ کاروباری ہفتے کے اختتام پر انٹر بینک میں ڈالر 276 روپے 58 پیسے پر بند ہوا تھا۔دوسری جانب پاکستان سٹاک ایکسچینج میں آج صبح کاروبار کے آغاز میں مثبت رجحان دیکھنے میں آرہا ہے۔پاکستان سٹاک ایکسچینج کا 100 انڈیکس 222 پوائنٹس کے اضافے سے 40 ہزار 693 ہو گیا ہے۔گزشتہ کاروباری ہفتے کے اختتام پر 100 انڈیکس 40 ہزار 471 پوائنٹس پر بند ہوا تھا۔
