ممبئی(شوبز ڈیسک)بھارت کی معروف بولڈ اداکارہ راکھی ساونت نے اپنے شوہر عادل خان درانی پر سنگین الزام عائد کرتے ہوئے کہا ہے کہ اس نے میری ماں کو مارا ہے جبکہ سرجری کے لئے پیسے بھی نہیں دے رہا ۔
بھارتی میڈیا رپورٹ کے مطابق ایک ویڈیو میں راکھی ساونت نے اپنے شوہر پر والدہ کی سرجری کے لیے رقم ادا نہ کرنے کا الزام لگاتے ہوئے کہا کہ میری ماں کو تم نے مارا ہے، وہ مجھے اپنی مبینہ گرل فرینڈ کے لیے چھوڑ گیا ہے، عادل مجھ سے علیحدگی اختیار کرلی ہے اور اپنی مبینہ گرل فرینڈ تنو کے ساتھ رہ رہا ہے۔بھارتی اداکارہ نے روتے ہوئے کہا کہ میری ماں کو تم نے مارا ہے، آج میری ماں کا وقت پر علاج ہوگیا ہوتا تو شاید وہ نہیں مرتی۔اداکارہ ویڈیو کے دوسرے حصے میں بلک بلک کر روتی نظر آرہی ہیں اور کہہ رہی ہیں کہ مجھے کہیں کا نہیں چھوڑا،تم مجھے کتنا ستاو گے عادل؟ تم نے اپنی بیوی کو کہیں کا نہیں چھوڑا، رستے پر لے آئے، مجھے کنگال کردیا۔راکھی ساونت نے کہا کہ عادل نے بلاخر فیصلہ کرلیا ہے کہ وہ تنو کے ساتھ رہے گا، کل اس نے مجھے کہہ دیا کہ میں تمہیں چھوڑ کر جارہا ہوں، عادل درانی نے مجھے بالی ووڈ میں داخلے کے لیے سیڑھی کے طور پر استعمال کیا، وہ میری ساری دولت لے گیا، جس کے میرے پاس ثبوت ہیں، عادل درانی نے مجھے جسمانی، جذباتی اور دماغی لحاظ سے استعمال کیا، میں شادی کے بعد اس کا تشدد برداشت کیا، میں جانتی ہوں کہ میسور میں اس کے خلاف کتنے کریمنل کیسز درج ہیں، تم جانتے ہو میں نے تمہیں کتنی بار معاف کیا، ساتھ میں بھارت کے عوام سے پوچھنا چاہتی ہوں اب میں کیا کروں؟۔
