پشاور(سٹاف رپورٹر)جمعیت علماءف سے تعلق رکھنے والے گورنر خیبر پختونخوا حاجی غلام علی نے دعوی کیا ہے کہ سابق وزیر دفاع اور پاکستان تحریک انصاف(پی ٹی آئی)کے مرکزی رہنما پرویز خان خٹک اگلا الیکشن کسی دوسری پارٹی سے لڑینگے،انہوں نے کھبی بھی الیکشن ایک پارٹی سے نہیں لڑا۔
”پاکستان ٹائم “ کے مطابق میڈیا سے گفتگو کرتے ہوئے گورنر خیبر پختونخوا حاجی غلام علی نے کہا کہ پرویز خٹک کو کہتا ہوں آپ کے گورنر 4 برس میں 400 آدمیوں سے بھی نہیں ملے مگر آج لوگ کہتے ہیں کہ عوامی گورنر آیا ہے،میرے پاس پی ٹی آئی کے اراکین صوبائی و قومی اسمبلی بھی آتے ہیں،الیکشن پر حاوی ہونے کے الزام سے ثابت ہوتا ہے کہ پی ٹی آئی نے ہار تسلیم کرلی ہے،آپ کی حکومت میں ہم نے انتخابات لڑ کر میئر منتخب کیا،پی ٹی آئی نے قسم کھائی ہے کہ ہم ملک کو ترقی کی راہ پر گامزن نہیں ہونے دینگے۔
گورنر خیبر پختونخوا حاجی غلام علی کا کہنا تھا کہ سو جنازے ہم نے اٹھائے ان کا ایک ایم پی اے ابھی حاضر نہیں ہوا، عمران خان نے پولیس کو ریاستی اداروں کے خلاف کھڑا کردیا ہے۔الیکشن کمیشن کی ذمہ داری ہے کہ وہ غیر جانبدارنہ انتخابات کرائے اور الیکشن کمیشن حالات کو دیکھ کر انتخابات کا فیصلہ کرے،الیکشن کمیشن کو رائے دیتا ہوں حکم نہیں۔
