چین کی جانب آمریکہ پر الزام عائد کیا گیا ہے کہ آمریکہ نے چین کی فضائی حدود کی خلاف ورزی کی ہے۔ چین نے الزام عائد کرتے ہوئے کہا ہے کہ گزشتہ برس آمریکہ نے 10 سے زائد بار غبارے بھیجے جس کی وجہ سے چین کی قومی سلامتی کو خطرات لاحق ہیں۔
اس بات کا انکشاف چین کی وزارت خارجہ کے ترجمان وانگ وینبن نے بیجنگ میں ہفتہ وار نیوز بریفنگ کے دوران کیا۔جب ان سے پوچھا گیا کہ چین نے اپنی فضائی حدود میں اس طرح کی دراندازی کا کیا جواب دیا تو انہوں نے جواب دیا کہ ہمارا ردعمل ذمہ دارانہ اور پیشہ ورانہ تھا۔چین کی جانب سے ان غباروں کے متعلق کوئی وضاحت نہیں دی گئی اور نہ ہی آمریکہ کی طرف سے کوئی جواب سامنے آیا ہے۔
یاد رہے کہ چین کا یہ دعویٰ اس وقت سامنے آیا ہے جب آمریکا نے 4 فروری کو جنوبی کیرولائنا کے ساحل پر ایک چینی جاسوس غبارے کو مار گرایا تھا۔ علاوہ ازیں گزشتہ دو دنوں میں کینیڈا کی فضامیں پرواز کرنے والے دو مشکوک شے کو بھی نشانہ بنایا گیا تھا۔
اس طرح گزشتہ ایک ہفتے کے دوران امریکا نے 2 غباروں اور 2 مشکوک شے کو فضا میں تباہ کیا ہے
