“پاکستان ٹائم مانیٹرنگ ڈیسک” کے مطابق عالمی مارکیٹ میں فی اونس سونے کی قیمت میں 18 ڈالر کی کمی واقع ہوئی ہے جس کے بعد نئی 1837 ڈالر کی سطح پر آگئی. اس کمی کی بدولت ملکی سطح پر بھی سونے کی قیمت میں کمی واقع ہوئی ہے.
اطلاعات کے مطابق مقامی صرافہ مارکیٹوں میں بدھ کے روز فی تولہ اور فی دس گرام سونے کی قیمتوں میں بالترتیب 3700روپے اور 3173روپے کی کمی دیکھی گئی. اس کمی کی بدولت کراچی حیدرآباد سکھر ملتان لاہور فیصل آباد راولپنڈی اسلام آباد پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 192200 روپے ہوگئی جبکہ فی دس گرام سونے کی قیمت گھٹ کر 164780 روپے کی سطح پر آگئی۔
علاوہ ازیں، چاندی کی قیمت میں بھی بڑی کمی واقع ہوئی ہے. فی توکہ چاندی کی قیمت 30روپے کی کمی سے 2100روپے اور دس گرام چاندی کی قیمت بھی 25.2 روپے کی کمی سے 1800.41روپے کی سطح پر آگئی۔
