الیکشن کمیشن کی جانب سے پنجاب اسمبلی کے انتخابات کی تاریخ کے معاملے پر لاہور ہائیکورٹ کے جسٹس جواد کے پاس متفرق درخواست دائر کرنے کا فیصلہ کیا گیا ہے.
ذرائع نے “پاکستان ٹائم” کو بتایا ہے کہ اس دوران الیکشن کمیشن جسٹس جواد کو رپورٹ بھی پیش کرے گا. لاہور ہائی کورٹ نے پہلے ہی الیکشن کمیشن سے احکامات پر عملدرآمد کی رپورٹ مانگ رکھی ہے۔
ذرائع کے مطابق الیکشن کمیشن رپورٹ میں گورنر کے ساتھ مشاورت بھی کی جائے گی اور وہ اپنا مئوقف بھی دیں گے. عدالت نے بتایا کہ آرٹیکل 105 کے تحت الیکشن کی تاریخ دینا گورنر کا کام ہے۔ تاہم گورنر پنجاب نے الیکشن کی تاریخ دینے سے انکار کر دیا ہے ان کا مؤقف ہے کہ انہوں نے اسمبلی نہیں توڑی اس لئے الیکشن کی تاریخ نہیں دے سکتے. الیکشن کمیشن کے پاس انتخابات کی ازخود تاریخ دینے کا اختیار نہیں. ان کا کہنا تھا کہ جب الیکشن کمیشن کو تاریخ ملے گی ایک ہفتے کے اندر شیڈول جاری کردیا جائے گا
