پشاور(کرائم رپورٹر)اسلامیہ کالج یونیورسٹی پشاور میں چوکیدار نے فائرنگ کرکے لیکچرار کو قتل کردیا ہے۔
تفصیلات کے مطابق پولیس حکام کا کہنا ہے کہ اطلاعات ہیں کہ چوکیدار اور لیکچرار کے درمیان جھگڑا ہوا تھا، جس کے بعد چوکیدار نے فائرنگ کرکے لیکچرار کو قتل کیا ہے ، جبکہ چوکیدار فائرنگ کے بعد موقع سے فرار ہو گیا ہے، تلاش کیلئے چھاپے جاری ہیں،واقعے کے حوالے سے مزید تحقیقات بھی کی جا رہی ہے ۔
دوسری جانب یونیورسٹی ترجمان کا کہنا ہے کہ لیکچرار بشیر کا تعلق مردان سے ہے، مقتول کا چوکیدار کے ساتھ پہلے سے جھگڑا چل رہا تھا، چوکیدار نے آج دوبارہ تلخ کلامی پر مبینہ طور پر لیکچرار کو قتل کیا۔
