کابل (ویب ڈیسک) پاکستان کے اعلیٰ سطحی وفد کی جانب سے افغانستان کا دورہ کیا گیا ہے ، جس کی قیادت وزیر دفاع خواجہ آصف نے کی ۔
”پاکستان ٹائم “کے مطابق ترجمان دفترخارجہ کا کہنا ہے کہ پاکستانی وفد نے نائب وزیراعظم افغانستان ملاعبدالغنی برادراخوند سے ملاقات کی جبکہ وفد نے وزیردفاع مولوی محمد یعقوب مجاہد اور وزیرداخلہ سراج الدین حقانی سے بھی ملاقاتیں کیں۔
ترجمان کے مطابق اعلیٰ سطح وفد نے وزیر خارجہ امیر خان متقی سے بھی ملاقات کی، ان ملاقاتوں میں خطے میں دہشت گردی کے بڑھتے خطرے سے متعلق معاملات زیر بحث آئے، بالخصوص ٹی ٹی پی، آئی ایس کے پی کی دہشتگردی خطرات زیر بحث آئے ، دونوں فریقوں نے دہشتگردی کے خطرے سے مو¿ثر طریقے سے نمٹنے میں تعاون پر اتفاق کیا اور برادرانہ تعلقات کے مزید فروغ کیلئے مختلف شعبوں میں دوطرفہ تعاون مضبوط بنانے پر بھی اتفاق کیا۔
پاکستانی وفد نے افغان حکومت کے ذمہ داران کو ٹی ٹی پی کو ان کارروائیوں سے رونے کی مو¿ثر حکمت عملی بنانے پر زور دیا، وفد نے مو¿قف اختیار کیا کہ پاکستان کے پاس ٹی ٹی پی کے سربراہان کی افغانستان میں موجودگی کے ٹھوس ثبوت موجود ہیں جبکہ ٹی ٹی پی کی افغانستان میں موجودگی کی حقیقت سے طالبان حکومت کنارہ کشی کر رہی ہے۔
