لاہور(وقائع نگار خصوصی)پاکستان تحریک انصاف (پی ٹی آئی) نے پاکستان ڈیمو کریٹک موومنٹ(پی ڈی ایم)کی اتحادی حکومت کی جانب سے انسانی حقوق کی خلاف ورزیوں پر رپورٹ جاری کرنے کا فیصلہ کرلیا ہے۔
”پاکستان ٹائم “ کے مطابق چئیرمین پی ٹی آئی عمران خان کی قائم کردہ کمیٹی نے انسانی حقوق کی خلاف ورزیوں بارے رپورٹ مرتب کرتے ہوئے رپورٹ کے اجرا کے معاملے پر آج پارٹی قیادت کا اجلاس طلب کرلیا۔اجلاس میں حکومت کی انتقامی کارروائیوں سے متعلق رپورٹ کے بارے بریفنگ دی جائے گی اور عمران خان رپورٹ جاری کرنے کی منظوری دیں گے۔ اگلے ہفتے انسانی حقوق کی خلاف ورزیوں بارے رپورٹ جاری کئے جانے کا امکان ہے۔واضح رہے کہ پی ٹی آئی کی جانب سے ملگ گیر’جیل بھرو تحریک’ چلائی جارہی ہے جس کے تحت قیادت سمیت کارکنان اپنی گرفتاریاں دے رہے ہیں۔
