لاہور(سپورٹس رپورٹر)لاہور قلندرز کے فاسٹ بولر حارث روف اسلام آباد یونائیٹڈ کے کپتان شاداب خان کے ساتھ میچ کے دوران ہونے والی ہلکی پھلکی نوک جھونک کی وجہ بتاتے ہوئے کھل کر بول پڑے ۔
”پاکستان ٹائم “ کے مطابق لاہور قلندرز نے اسلام آباد یونائیٹڈ کے خلاف کھیل میں مکمل طور پر غلبہ حاصل کیا اور قذافی سٹیڈیم میں 110 رنز کے بھاری مارجن سے جیت کر پوائنٹس ٹیبل میں سرفہرست مقام حاصل کرلیا۔ویسے تو کھیل پوری سپورٹس سپرٹ کے ساتھ کھیلا گیا تاہم، رائٹ ہینڈر اور پاکستان کے نائب کپتان نے میچ کے دوران ایک ہلکا پھلکا مکالمہ بھی کیا۔یہ واقعہ یونائیٹڈ کی اننگز کے 8ویں اوور میں پیش آیا، جب شاداب کو ڈیوڈ ویز نے آو¿ٹ کیا۔ شاداب نے فیصلے پر ریویو لیا جو ان کے خلاف گیا۔جب وہ واپس جا رہا تھے تو حارث بھاگتے ہوئے ان کے پیچھے آئے، اور بظاہر ہلکے مزاح میں کچھ بولا۔بدلے میں اسلام آباد کے کپتان نے حارث کو ایک طرف دھکیل دیا اور مایوسی میں واپسی کی۔کھیل کے بعد حارث نے یہ کہہ کر اپنے عمل کا دفاع کیا کہ ان کے اور شاداب کے درمیان پچ کے اندر اور باہر بہت اچھے تعلقات ہیں اور انہوں نے جو کچھ بتایا تھا اس کا انکشاف بھی کیا۔انہوں نےمیڈیا سے گفتگو کرتے ہوئے کہا کہ آپ اپنے کسی دوست کے ساتھ ایسا کر سکتے ہیں،یہ مزہ تھا، جس کا ہم نے بطور ٹیم گراونڈ پر لطف اٹھایا۔ چیزوں کو واضح کرنے کے لیے، ہمارے میدان کے اندر اور باہر اچھے تعلقات ہیں، ہم عام طور پر کھیل کے دوران یا اس کے بعد تفریح کرنے کی کوشش کرتے ہیں، ہم کچھ عرصے سے پاکستان کے لیے اکٹھے کھیلے تھے اور میں نے اسے (شاداب) سے کہا تھا کہ آج کا آوٹ آپ کے مقدر میں ہے۔لاہور قلندرز کے فاسٹ بولر حارث روف کا کہنا تھا کہ ہمارا باولنگ لائن اپ کافی مضبوط ہے، شاہین آفریدی کے ساتھ کافی عرصہ سے کھیل رہا ہوں، شاہین جس طرح باولنگ لائن اپ میں تبدیلیاں کرتے ہیں کافی فائدہ ہوتا ہے،اپنی باولنگ پر ہمیں کافی یقین ہے۔حارث روف نے کہاکہ گزشتہ سال بھی لاہور کے شائقین کرکٹ نے ہمیں بہت سپورٹ کیا، اس سال بھی اپنے کراوڈ کے سامنے جیت کر بہت اچھا لگا، سیم بلنگز کے آنے سے مڈل آرڈر کافی مضبوط ہوا،مینجمنٹ بھی کھلاڑیوں کو اعتماد میں لیتی ہے۔
