اسلام آباد(وقائع نگار خصوصی)متحدہ قومی موومنٹ(ایم کیو ایم)پاکستان کے وفد نے وزیراعظم شہبازشریف سے وفاقی حکومت سے ہونے والے معاہدے پر عملدرآمد نہ ہونے پر شکوہ کیا ہے۔
”پاکستان ٹائم “ کے مطابق ڈاکٹرخالد مقبول صدیقی کی قیادت میں ایم کیو ایم پاکستان کے وفد نے وزیراعظم سے ملاقات کی ہے، جس میں ملک کی معاشی صورتحال اور تیزی سے بڑھتی مہنگائی پر تبادلہ خیال کیا گیا۔ذرائع کے مطابق خالد مقبول صدیقی نے وفاقی حکومت سے ہونے والے معاہدے پر عملدرآمد نہ ہونے پر شکوہ کیا، اور مطالبات کے حوالے سے پیپلز پارٹی کے رویے کے حوالے تحفظات کا اظہار کیا، وزیر اعظم سے ہونے والی ملاقات میں ایم کیو ایم کے وفد نے سندھ میں حلقہ بندیوں کی درستگی کے حوالے سے اب تک کی پیش رفت پر بات چیت کی۔
