کوئٹہ(کورٹ رپورٹر)چوہدری پرویز الٰہی کے دست راست اورسابق پرنسپل سیکرٹری وزیر اعلیٰ پنجاب محمد خان بھٹی کو 8 مارچ تک بلوچستان پولیس کے حوالے کر دیا گیا۔
”پاکستان ٹائم “ کے مطابق گزشتہ روز بلوچستان سے گرفتار ہونے والے سابق پرنسپل سیکرٹری پنجاب اور پرویز الہیٰ کے قریبی ساتھی محمد خان بھٹی کا کوئٹہ کی عدالت میں 8 مارچ تک ریمانڈ منظور کرلیا گیا۔اینٹی کرپشن پنجاب کے مطابق محمد خان بھٹی کو 8 مارچ تک بلوچستان پولیس کے حوالے کیا گیا ہے، ان کا جسمانی ریمانڈ مکمل ہونے کے بعد انہیں پنجاب منتقل کرنے کیلئے کوئٹہ کی مقامی عدالت سے راہداری ریمانڈ لیا جائے گا اور راہداری ریمانڈ حاصل کر کے محمد خان بھٹی کو پنجاب لایا جائے گا۔یاد رہے کہ آج ہی لاہور ہائیکورٹ میں محمد خان بھٹی کی بازیابی کیلئے دائر درخواست پر جسٹس شہرام سرور چوہدری نے اپنے چیمبر میں سماعت کی تھی۔عدالت نے ڈائریکٹر اینٹی کرپشن لاہور کو نوٹس جاری کوتے ہوئے 6 مارچ کو جواب سمیت طلب کر لیا تھا۔
