اسلام آباد(سٹاف رپورٹر)پاکستان الیکٹرانک میڈیا ریگولیٹری اتھارٹی (پیمرا) نے عدلیہ اور ججوں کے خلاف کسی بھی قسم کے مواد کو نشر کرنے پر فوری طور پر پابندی عائد کردی ہے۔واضح رہے کہ مسلم لیگ ن کی قیادت سیاسی جلسوں اور ٹی وی ٹاک شوز میںگذشتہ چند ہفتوں سے عدلیہ کو شدید تنقید کا نشانہ بنا رہی تھی تاہم حیران کن طور پر پیمرا نے اس عمل پر مکمل خاموشی سادھی ہوئی تھی ۔
پیمرا کے احکامات کے مطابق پنجاب اور خیبر پختونخواہ میں انتخابات سے متعلق عدالتی فیصلے کے حوالے سے عدلیہ ٹی وی چینلز اور سیاسی جلسوں میں موضوع بحث بنی ہوئی ہے۔کیس سے متعلق سامنے آنیوالی آڈیوز میں بھی جج صاحبان کے ناموں کا بھی ذکر کیا گیا ہے جبکہ ایک مبینہ آڈیو لیک میں پرویز الٰہی اور ان کے وکیل کے درمیان ہونیوالی گفتگو میں جج کا نام استعمال کیا گیا تھا۔اسی دوران مسلم لیگ ن کی چیف آرگنائزرز مریم نواز نے بھی جلسے میں عدلیہ سے متعلق کہا کہ عدلیہ کے کچھ افراد عمران خان سے ہمدردی رکھتے ہیں۔وہ مسلسل عدلیہ کو اپنی تنقید کا نشانہ بنا رہیں تھیں جبکہ ن لیگی رہنما ٹی وی ٹاک شوز میں بیٹھ کر عدلیہ کے خلاف مسلسل ایک مہم چل رہی تھی جبکہ اس سارے عمل کے دوران پیمرا مسلسل خاموش تھا تاہم اب نوٹیفکیشن کے ذریعے ٹی وی چینلز پرعدلیہ اور معزز ججز حضرات کے خلاف کسی بھی قسم کا مواد نشر کرنے پر پابندی عائد کردی گئی ہے ۔
