اسلام آباد(سٹاف رپورٹر)سرکاری حج سکیم کے تحت درخواست وصولی 13 مارچ سے شروع ہونے کا امکان ہے۔
”پاکستان ٹائم “ کے مطابق وزیر مذہبی امور مفتی عبدالشکور کابینہ سے رواں سال کے لیے حج پالیسی کی منظوری ملتے ہی اگلے ہفتے اعلان کریں گے۔روپے کی گرتی قدر کو مدنظر رکھتے ہوئے رواں برس سرکاری کوٹے پر حج اخراجات کا تخمینہ 11 سے 12 لاکھ روپے متوقع ہے۔ریگولر حج سکیم کے تحت پاکستانی بینکوں میں حسب سابق درخواستیں جمع ہوں گی جب کہ سپانسر شپ حج سکیم کا کوٹہ 50 فیصد مقرر کرنے کا اصولی فیصلہ کیا گیا ہے جب کہ دیگر 50 فیصد کوٹہ سرکاری اور نجی سکیم کیلئے مختص ہوگا۔سپانسر شپ سکیم صرف بیرون ملک مقیم پاکستانیوں اور ان کے عزیز و اقارب کیلئے مختص ہوگی، اس سے بیرون ملک سے مخصوص اکاو¿نٹ میں رقم بھجوانے پر ہی فائدہ اٹھایا جاسکے گا۔
