کوئٹہ(وقائع نگار خصوصی)سبی میں بلوچستان کانسٹیبلری کی گاڑی پر خودکش حملے کے نتیجے میں 9 اہلکار شہید جب کہ 7 افراد زخمی ہوگئے۔
”پاکستان ٹائم“کے مطابق سبی میں شر پسندوں نے کمبڑی پل کے قریب بلوچستان کانسٹیبلری کی گاڑی کو نشانہ بنایا ہے۔دہشت گردی کی اس واردات میں 5 اہلکار موقع پر ہی شہید ہوگئے ہیں جب کہ 15 زخمی ہوگئے۔جاں بحق اہلکاروں اور زخمیوں کو قریبی ہسپتال منتقل کردیا گیا ، جہاں زخمیوں کو طبی امداد فراہم کی جارہی ہے۔ہسپتال میں دوران علاج مزید 5 اہلکار دم توڑ گئے جبکہ 7 زخمیوں کا علاج جاری ہے۔ہسپتال انتظامیہ کا کہنا ہے کہ زخمیوں میں سے چند کی حالت تشویشناک ہے، جس کی وجہ سے جاں بحق ہونے والوں کی تعداد میں اضافے کا امکان ہے۔سبی پولیس کا کہنا ہے کی دھماکا خودکش تھا اور حملہ آور موٹر سائیکل پر سوار تھا ، دھماکے کی جگہ کو پولیس نے گھیرے میں لے کر شواہد اکھٹے کرلئے گئے ہیں۔وزیر اعظم شہباز شریف ، وفاقی وزیر داخلہ رانا ثنا اللہ ، سابق صدر آصف علی زرداری اور صوبائی وزرائے اعلیٰ نے سبی میں دہشت گردی کے واقعے کی مذمت کی ہے۔
