اسلام آباد(وقائع نگار)قومی ایئر لائن (پی آئی اے) نے سعودی عرب کے لیے فلائٹ آپریشن میں وسعت دینے کا فیصلہ کیا ہے۔
”پاکستان ٹائم “ کے مطابق پی آئی اے نے سعودی عرب کے ایک اور شہر القسیم کےلیے پروازیں شروع کرنے کا اعلان کیا ہے۔ترجمان پی آئی اے نے تصدیق کی کہ قومی ایئرلائن نے القسیم شہر کےلیے فلائٹ آپریشن شروع کرنے کا فیصلہ کیا ہے۔ پی آئی کی لاہور سے القسیم شہر کے لیے پہلی پرواز 29 مارچ کو روانہ ہوگی۔ پی آئی اے لاہور اور القسیم کے درمیان ہفتے میں 2 پروازیں چلائے گی، جو منگل اور بدھ کو اڑان بھریں گی۔ترجمان پی آئی اے کے مطابق سعودی شہر القسیم کےلیے پاکستانیوں کی بڑی تعداد نے فلائٹ آپریشن شروع کرنے کے لیے پی آئی اے انتظامیہ سے درخواست کی تھی۔
