لاہور(سٹاف رپورٹر)پاکستان تحریک انصاف(پی ٹی آئی) کے مرکزی صدر اور سابق وزیراعلیٰ پنجاب چوہدری پرویز الٰہی نے پنجاب حکومت کی جانب سے آنسو گیس اور لاٹھی چارج کا بدترین استعمال قابل مذمت کرتے ہوئے چیف جسٹس آف پاکستان سے اپیل کی ہے کہ وہ اس لاقانونیت کا نوٹس لیں۔
”پاکستان ٹائم “ کے مطابق سابق وزیراعلیٰ پنجاب چودھری پرویزالٰہی سے سینئر وکلا کے وفد نے ملاقات کی، جس میں پی ٹی آئی کے پرامن کارکنوں کی گرفتاریوں اور پولیس تشدد کی مذمت کی گئی۔وکلاءسے گفتگو کرتے ہوئے چودھری پرویز الٰہی کا کہنا تھا کہ انتخابی شیڈول آ چکا ہے مگر انتخابی ریلی کی اجازت نہیں دی جا رہی، اس حکومت کے دن گنے جا چکے ہیں، پنجاب کی نگران حکومت کی بدترین فسطائیت نے اس کا مکروہ چہرہ بے نقاب کر دیا ہے، پولیس نے بھی گلو بٹ کا کردار ادا کیا اور پی ٹی آئی کے رہنماو¿ں اور کارکنوں کی گاڑیاں توڑ دیں۔ان کا کہنا تھا کہ کہ پنجاب میں آئینی اور قانونی حقوق کو کچلنے کیلئے پولیس کا بدترین استعمال جاری ہے، عمران خان کی قیادت میں عوامی طاقت کو روکنا نااہل ٹولے کے بس کی بات نہیں۔
