لاہور(وقائع نگار)پاکستان تحریک انصاف(پی ٹی آئی)کے مرکزی صدر اور سابق وزیر اعلیٰ پنجاب چوہدری پرویز الٰہی نے سانحہ زمان پارک کی جوڈیشل انکوائری کر کے قصور وار کو پھانسی دینے کا مطالبہ کر دیا۔
”پاکستان ٹائم“ کے مطابق مائیکرو بلاگنگ ویب سائٹ پر ٹویٹ کرتے ہوئے چوہدری پرویز الٰہی کا کہنا تھا کہ سانحہ ماڈل ٹاون میں رانا ثناء اللہ جیسے لوگوں کو سزا ہو چکی ہوتی تو آج سانحہ زمان پارک رونما نہ ہوتا،سانحہ زمان پارک کی جوڈیشل انکوائری کی جائے،جوڈیشل انکوائری کے ملزموں میں سرفہرست محسن نقوی اور آئی جی پنجاب ہیں، جوڈیشل انکوائری کرکے قصور وار کو پھانسی دی جائے۔چوہدری پرویز الٰہی نے کہا کہ آئی جی پنجاب،انتظامیہ اور پولیس علی بلال(ظل شاہ)کی شہادت میں برابر کے قصور وار ہیں،ایسی مثال بنائی جائے تا کہ آئندہ انتظامیہ اپنے اختیارات اپنے گریبان تک رکھے، انتظامیہ کے تمام قصور وار افراد کو کٹہرے میں لایا جائے تا کہ آئندہ کسی کو ایسی گھناونی حرکت کرنے کی جرات نہ ہو۔
