اسلام آباد(وقائع نگار خصوصی)پاکستان ڈیموکریٹ موومنٹ(پی ڈی ایم) کے سربراہ اور جمعیت علماءاسلام (جے یو آئی )ف کے امیر مولانا فضل الرحمان نے کہا ہے کہ عمران خان پاکستان کے خاتمے کے ایجنڈے پرکام کررہاہے،پاکستان تحریک انصاف (پی ٹی آئی)چند کھلنڈروں کا گروہ ہے ،ریاستی رٹ برقرار رکھنے کے لئے حکومت تمام وسائل استعمال کرے۔
”پاکستان ٹائم “ کے مطابق اسلام آباد میں پریس کانفرنس کرتے ہوئے مولانا فضل الرحمان نے کہا کہ ملکی صورتحال بہت حساس ہے ،پی ٹی آئی جیسی سرگرمی کوئی مذہبی جماعت کرتی تو دہشت گرد قرار دی جاتی ، بے رحم لیڈرنے کارکنوں کوڈھال کے طورپراستعمال کرنےکی کوشش کی،عمران خان نے ملک کوکمزورکرنے کاکلچردیا، عمران نے دنیا کوبتایاکہ میرا کارکن قانون کی عملداری روکنے کے لئے ہے،باربارکہہ چکے عمران پاکستان کوکمزور کرنےکاایجنڈا رکھتاہے، دیکھناہونا ہو گا کہ کون سی ایسی طاقتیں ہیں جو عمران خان فتنے کو تحفظ دے رہی ہیں؟قانون کی نظرمیں سب برابرہیں،کسی کواستثنیٰ نہیں، کارکنوں کو ڈھال بنانے کے بجائے عمران خان کو مقدموں کا سامنا کرنا چاہیے، عمران خان کو گرفتار کرکے ہر صورت میں پیش کرنا چاہیے، ریاست رٹ برقرار رکھنے کے لیے ضروری وسائل بروئے کار لائے، تحریک انصاف کوئی سیاسی جماعت نہیں، چند کھلنڈروں کا گروہ ہے۔
