کراچی(کامرس رپورٹر)ملک میں جاری کشیدہ سیاسی صورتحال سے معاشی صورتحال مزید خراب ہوتی جا رہی ہے ،اشیائے ضروریہ کی قیمتیں آسمان سے باتیں کر رہی ہیں تو ایسے میں سونے کی نئی قیمتیں اتنی بڑھ گئی ہیں کہ خواتین کی سونے کے زیورات بنانے کی حسرت دل میں ہی دب جائے گی ۔
”پاکستان ٹائم “ کے مطابق عالمی مارکیٹ اور پاکستان کی مقامی صرافہ مارکیٹ میں سونے کی قیمتوں میں اضافہ ریکارڈ کیا گیا ہے۔بدھ کے روز بین الاقوامی بلین مارکیٹ میں فی اونس سونے کی قیمت 20 ڈالر اضافے سے 1924 ڈالر کی سطح پر آنے کے باعث مقامی صرافہ مارکیٹوں میں بھی فی تولہ اور فی دس گرام سونے کی قیمتوں میں بالترتیب 900 روپے اور 771 روپے کا اضافہ ریکارڈ کیا گیاہے۔اسلام آباد، راولپنڈی ،کراچی ،حیدرآباد، سکھر ،ملتان، فیصل آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 202400 روپے اور فی دس گرام سونے کی قیمت بڑھ کر 173525 روپے کی سطح پر آگئی۔دوسری جانب فی تولہ چاندی کی قیمت 30روپے بڑھکر 2150روپے اور دس گرام چاندی کی قیمت بھی 25.72روپے بڑھکر 1843.27روپے کی سطح پر آگئی۔
