لاہور(شوبز رپورٹر)سابق بھارتی اداکارہ ثناءخان نے انکشاف کیا ہے کہ ان کے ہاں جلد ایک ننھے مہمان کی آمد ہونے والی ہے۔
”پاکستان ٹائم“ کے مطابق میڈیا سے گفتگو کرتے ہوئے اداکارہ ثناءخان نے بتایا کہ وہ جلد ماں بننے والی ہیں ، ماں بننا ان کے لئے ایک بہت خوبصورت احساس ہے اور وہ جذباتی طور پر بھی اس احساس سے جڑی ہوئی ہیں کیونکہ انہیں زندگی میں بہت سے اتار چڑھاو¿ کا سامنا کرنا پڑا ہے۔اداکارہ ثناءخان نے کہا کہ رواں سال جون میں ان کے بچے کی پیدائش متوقع ہے اور وہ اسے اپنی بانہوں میں لینے کیلئے بےقرار ہیں۔یاد رہے کہ فروری کے اوائل میں ثنا خان نے عمرے کی تصاویر پوسٹ کرتے ہوئے مداحوں کو ایک خصوصی اعلان کا اشارہ کیا تھا۔ثناءخان نے کیپشن میں لکھا تھا کہ ’الحمدللہ بہت مبارک۔ یہ عمرہ کسی وجہ سے بہت خاص ہے جسے ان شاءاللہ میں جلد ہی سب کے ساتھ شیئر کروں گی اللہ آسانی کرے۔سابق بھارتی اداکارہ ثناءخان نے 2020 میں مفتی انس سے شادی کی تھی جس کے بعد انہوں نے شوبز انڈسٹری کا خیرباد کہہ دیا تھا۔
