لاہور(وقائع نگار)پاکستان تحریک انصاف (پی ٹی آئی) کے چیئرمین عمران خان نے ملک میں عام انتخابات کے لئے تمام سیاسی جماعتوں کے مشترکہ لائحہ عمل کے لئے آل پارٹیز کانفرنس کے انعقاد کی تجویز کی حمایت کردی ہے۔
”پاکستان ٹائم “ کے مطابق تحریک انصاف کے رہنما اور سابق وفاقی وزیر اطلاعات فواد چوہدری کا کہنا ہے کہ عام انتخابات پربات چیت ہونی چاہئے، سینئرصحافیوں نے عمران خان سے ملاقات کی ہے، جس میں میڈیا کے سینئر نمائندگان نے عام انتخابات پر آل پارٹیزکانفرنس کی تجویزدی، چیئرمین پی ٹی آئی عمران خان نے صحافیوں کی تجویز کی حمایت کی ہے۔
اس موقع پر سابق وزیر دفاع پرویز خان خٹک کا کہنا تھا کہ حکومت الیکشن سے کیوں بھاگ رہی ہے؟الیکشن سے ملک میں امن واستحکام آئے گا، حملہ ہم نے نہیں کیا، ہم پر حملے ہو رہے ہیں۔پرویزخٹک نے سوال اٹھایا کہ کیا یہ ملک میں افراتفری چاہتے ہیں، ملکی صورتحال تباہی کی طرف جارہی ہے، ہماری حکومت میں انہوں نے جلوس اور ریلیاں نکالیں، ہم نے کسی کو احتجاج اورلانگ مارچ سے نہیں روکا، ان سے حکومت نہیں چلائی جارہی۔
