ریاض(مانیٹرنگ ڈیسک)سعودی عرب میں رمضان المبارک کا چاند نظر نہیں آیا، پہلا روزہ 23 مارچ بروز جمعرات کو ہو گا۔
سعودی میڈیا کے مطابق سعودی عرب میں چاند کی کوئی شہادت موصول نہیں ہوئی ہے،سعودی سپریم کورٹ نے شہریوں سے رمضان المبارک کا چاند دیکھنے کی اپیل کی تھی تاہم آج مملکت میں چاند نظر آنے کی شہادت موصول نہیں ہوئی۔سعودی عرب میں 23 مارچ بروز جمعرات کو رمضان المبارک 1444 ہجری کا پہلا روزہ ہوگا۔چاند نظر نا آنے کا باقاعدہ اعلان سعودی سپریم کورٹ کی جانب سے کیا گیا۔خیال رہے کہ سعودی ماہر فلکیات نے آج سعودیہ میں چاند نہ نظر آنے کا امکان ظاہر کیا تھا۔ پاکستان میں رمضان المبارک کا چاند کل دیکھا جائےگا۔
