بیجنگ(کامرس رپورٹر)گاڑیاں تیار کرنے والی معروف چینی کمپنی” چیری“ نے انتہائی مناسب اور کم قیمت میں ایسی شاندار کار متعارف کروا دی ہے کہ جس کے فیچرز جان کر گاڑیوں کے شوقین افراد کی آنکھیں کھلی کی کھلی رہ جائیں گی ۔
”پاکستان ٹائم“ کے مطابق معروف چینی کار ساز کمپنی ”چیری“ نے سوزوکی کلٹس کی قیمت میں ہونڈا سوک جیسی کار متعارف کرا دی۔چیری نے چین میں ایریزو 5 جی ٹی کو سپورٹی کمپیکٹ سیڈان کے طور پر متعارف کرایا ہے۔پہلی نظر میں،اس کا نیا سٹائل نرالا اور خوبصورت لگتا ہے۔معروف ویب سائٹ”کار نیوز چائنا “نے حال ہی میں Arrizo 5 GT کی چند تصاویر شیئر کی ہیں جو کہ دیکھنے میں سیوک اور Lexus IS سے ملتی جلتی ہیں۔کار کے سامنے کے سرے میں ایک ہموار فرنٹ بمپر، اور ایک بہت بڑا ‘Spindle Grille’ ہے جو تمام جدید Lexus ماڈلز میں موجود ہے۔سائیڈ پروفائل زیادہ تر سیڈان کی طرح ہے۔ اس میں چند کریزیں،گہرے ملٹی سپوک الائے رمز ہیں جو ہونڈا سوک سی سے مشابہت رکھتے ہیں۔چین میں اس کار کی قیمت کلٹس جتنی رکھی گئی ہے،جدید ٹیکنالوجی سے لیس یہ کار 34 سے 42 لاکھ روپے میں دستیاب ہے۔
