ریاض (مانیٹرنگ ڈیسک ) سعودی عرب میں ادارہ امورحرمین کے شعبہ اعداد وشمارکے ڈائریکٹرجنرل کا کہنا ہے کہ رمضان کے پہلے عشرے کے ابتدائی 8 روز میں 74 لاکھ سے زیادہ زائرین مسجد الحرام آئے۔
”پاکستان ٹائم“کے مطابق گزشتہ دوبرسوں سے کورونا وائرس کے باعث رمضان میں عمرہ محدود عمرہ پروگرام پرعمل جاری تھا تاہم اس سال مکمل گنجائش کے بعد دنیا بھرسے بڑی تعداد میں عمرہ زائرین ارض مقدس پہنچ رہے ہیں۔ رحمت و برکت والے مہینے میں پوری دنیا سے لاکھوں زائرین عمرے کی ادائیگی کے لیے مکہ مکرمہ پہنچتے ہیں جہاں لوگ پرسکون ماحول میں اپنی عبادت کی ادائیگی کرتے ہیں۔ رواں سال رمضان کے پہلے عشرے کے ابتدائی 8دنوں میں 74 لاکھ زائرین کی مسجد الحرام آئے جن میں مقامی اوربیرون ملک سے آنے والے شامل ہیں۔ واضح رہے کہ زائرین کی سہولت کے لئے مسجد الحرام میں سعودی حکومت کی جانب سے کی جانے والی تیسری توسیع بھی زائرین کےلیے کھول دی گئی ہے جہاں 12 ہزار سے زائد زائرین نے باجماعت نماز اورتروایح ادا کی۔ صدارت عامہ برائے امور مسجد حرام و مسجد نبوی کی جانب سے حرم کی راہداریوں، ہالز اور صحنوں میں انتظامیہ نے بہترین خدمات کانظام قائم کر رکھا تھا جس کے بدولت لاکھوں نمازیوں کے ہجوم کو کہیں بھی رکاوٹ کا سامنا نہیں کرنا پڑتا۔
