اسلام آباد(سپورٹس رپورٹر)پاکستان سپر لیگ کی معروف فرنچائز کوئٹہ گلیڈی ایٹرز کے مالک ندیم عمر بھی سابق کپتان سرفراز احمد کے حق میں بول پڑے۔
”پاکستان ٹائم“ کے مطابق نجی ٹی وی کو دیئے گئے انٹرویو میں کوئٹہ گلیڈی ایٹرز مالک ندیم عمر نے کہا کہ کسی کے کہنے پر سرفراز احمد کو کپتانی سے نہیں ہٹاسکتے، وہ ہماری ٹیم کے ٹریڈ مارک ہیں،انہوں نے کہا کہ پی ایس ایل کے آٹھویں ایڈیشن میں ہماری فرنچائز نے اچھی پرفارمنس نہیں دی لیکن اسکی وجہ صرف سرفراز احمد کی قیادت کرنا نہیں، ہمارے اوورسیز پلئیر ہسرنگا نہیں آئے اسکا ہمیں بہت نقصان ہوا،ندیم عمر نے مزید کہا کہ سرفراز احمد کی قیادت میں پاکستان چیمپئنز ٹرافی، انڈر-19ورلڈکپ اور کوئٹہ گلیڈی ایٹرز نے ٹائٹل جیتا، انکی ملکی سطح پر خدمات ہیں جنہیں فراموش نہیں کیا جاسکتا، وہ گلیڈی ایترز کا حصہ تھے اور رہیں گے۔
