اسلام آباد (مانیٹرنگ ڈیسک)اسلام آباد پولیس نے پاک فوج کی وردی میں ملبوس جعلی کپتان گرفتار کر لیا۔جو اپنا تعارف بطور پاکستان آرمی کا افسر کرواکر لوگوں کو دھوکا دینے اور رقم لوٹنے میں ملوث ہے۔
”پاکستان ٹائم “ کے مطابق سوشل میڈیا پر جاری بیان میں اسلام آباد پولیس نے دوران پٹرولنگ پاک آرمی کی وردی میں ملبوس (خود کو کپتان ظاہر کرنے والے) جعل ساز کو گرفتار کرلیا ہے۔
تھانہ شالیمار کے اے ایس آئی نادر معہ ٹیم نے ملزم سے جعلی آرمی کارڈز، فائلیں اور دیگر اشیاء برآمد کر لیں۔پولیس کی جانب سے مزید کہا گیا ہے کہ تھانہ شالیمار کی ایک ٹیم نے ملزم کے قبضے سے جعلی آرمی کارڈز، فائلیں اور دیگر اشیا بھی برآمد کی ہیں اور گرفتار ہونے والا شخص ’آرمی کے نام سے جعلی فائلیں تیار کرکے سادہ لوگوں میں فروخت کرکے انہیں لوٹتا تھا۔‘
