لاہو(کورٹ رپورٹر )لاہور کی سیشن عدالت نے سابق وزیر اعظم عمران خان کے بھانجے حسان خان نیازی کی عبوری ضمانت میں 20 اپریل تک توسیع کر دی۔
”پاکستان ٹائم“ کے مطابق معروف قانون دان ،پاکستان تحریک انصاف (پی ٹی آئی )کے رہنما اور سابق وزیراعظم عمران خان کے بھانجے حسان خان نیازی نے صدر لاہور بار ایسوسی ایشن رانا انتظار کی وساطت سے سیشن کورٹ میں درخواست ضمانت دائر کی ، درخواست پر سماعت ایڈیشنل سیشن جج ندیم حسن وسیر نے کی ۔عدالت نے پولیس کو حسان نیازی کی گرفتاری سے 20 اپریل تک روک دیا، حسان نیازی کے وکیل نے ایک دن کی حاضری معافی کی درخواست بھی جمع کرائی جس کو عدالت نے منظور کرلیا ۔واضح رہے کہ حسان نیازی کے خلاف تھانہ ریس کورس میں مقدمہ 286/23 درج ہے۔
