سیالکوٹ(سٹاف رپورٹر)پاکستان تحریک انصاف(پی ٹی آئی)کی رہنما اور سابق وفاقی وزیراطالاعات ڈاکٹر فردوس عاشق اعوان نے کہا ہے کہ عمران خان کو ناتجربہ کارٹیم کی وجہ سے مشکلات کاسامنا ہے، ایک شخص کی وجہ سے عمران خان آج اس نہج تک پہنچ گئے ہیں، عمران خان کے دور میں رشوت کے ریٹس بڑھے ۔
”پاکستان ٹائم“ کے مطابق ڈاکٹر فردوس عاشق اعوان نے کہا کہ ایک شخص کی وجہ سے عمران خان آج اس نہج تک پہنچ گئے ہیں،عمران خان کے کان میں یہ بات ڈالی گئی کہ ممبران اسمبلی کرپشن کیلئے فنڈ مانگتے ہیں،عمران خان نے عوامی نمائندوں کے بجائے بیوروکریسی پر زیادہ اعتبار کیا جس سے حالات خراب ہوئے،ملک کی موجودہ صورتحال کی ذمہ دار بیوروکریسی بھی ہے۔انہوں نے کہا کہ عوام کے حقوق کیلئے ہمیشہ آواز بلند کی،سیاستدان کاکام ہوتا ہے اسمبلی میں آکر ڈیلیور کرنا،عمران خان کرپشن کے خاتمے کے نعرے پر حکومت میں آئے،اس نظام کو ٹھیک کرنے کیلئے عمران خان کو بہت محنت کرناپڑے گی۔فردوس عاشق اعوان کا کہنا تھا کہ عمران خان کے دور میں رشوت کے ریٹس بڑھے ہیں،میں نے ووٹ کی سیاست کرنی ہے،مخصوص سیٹوں پر اسمبلی نہیں جانا چاہتی،اگر پی ٹی آئی کو میری ضرورت نہیں ہے تو میرے حلقے کے لوگوں کو تو ہے۔
