لاہور(سٹاف رپورٹر)شوال(عیدالفطر )کا چاند دیکھنے کے لیے مرکزی رویت ہلال کمیٹی کا اجلاس طلب کر لیا گیا ہے۔
”پاکستان ٹائم“ کے مطابق مرکزی رویت ہلال کمیٹی کا اجلاس 20 اپریل کو اسلام آباد میں ہوگا جس کی صدارت کمیٹی کے چیئرمین مولانا عبدالخبیر آزاد کریں گے،اجلاس میں شوال کے چاند کی رویت سے متعلق فیصلہ کیا جائے گا۔اجلاس میں وزارت سائنس اینڈ ٹیکنالوجی،محکمہ موسمیات اور اسپارکو کے نمائندے بھی شرکت کریں گے جبکہ زونل رویت ہلال کمیٹیوں کے اجلاس لاہور، پشاور، کراچی اور کوئٹہ میں منعقد کئے جائیں گے۔
