اسلام آباد(وقائع نگار خصوصی)اقصادی رابطہ کمیٹی (ای سی سی) نے الیکٹرک بائیکس اور ای رکشہ سکیم کی منظوری دیدی، وزیراعظم یوسف بزنس اور زرعی لون سکیم کے تحت بلا سود 5 لاکھ روپے تک کا قرضہ دیا جائے گا۔
”پاکستان ٹائم“ کے مطابق وفاقی وزیر خزانہ اسحاق ڈار کی زیر صدارت اقصادی رابطہ کمیٹی کا اجلاس ہوا۔ ای سی سی نے الیکٹرک بائیکس اور ای رکشہ سکیم کی منظوری دے دی، وزیر اعظم یوتھ بزنس اور زرعی لون سکیم کے تحت ای بائیکس اور رکشہ کیلئے قرض دیا جائے گا۔وزارت خزانہ کا کہنا ہے کہ ٹیئر ون کیٹیگری کیلئے 5 لاکھ روپے تک کا قرض دیا جائے گا، یہ قرضہ صفر شرح سود پر 3 سال کیلئے ہوگا، یہ قرضہ ذاتی گارنٹی پر دیا جائے گا۔وزارت خزانہ نے بتایا کہ موجودہ مالی سال 15 ہزار ای بائیکس اور ای رکشوں کیلئے قرضہ دیا جائے گا، وزارت صنعت و پیداوار کو سکیم کی شرائط و ضوابط کی تفصیلات طے کرنے کا ٹاسک دیا گیا ہے۔
