حیدرآباد(سٹاف رپورٹر)متحدہ قومی موومنٹ (ایم یو ایم)پاکستان کے ڈپٹی کنونئر ڈاکٹر فاروق ستار نے دھمکی دیتے ہوئے کہا ہے کہ جس وقت ہمارا سر گھوم گیا، اس وقت ریڈ لائن نہیں ڈیڈ لائن کی ضرورت ہوگی۔
”پاکستان ٹائم“ کے مطابق افطار ڈنر کی تقریب سے خطاب میںڈاکٹر فاروق ستار نے مردم شماری کو تاریخی دھاندلی قرار دیتے ہوئے کہا کہ اگر ہم متحد ہوجائیں تو کوٹہ سسٹم، بلدیاتی وسائل اور تمام بحران حل ہوجائیں گے، پہلے کراچی کی 60 فیصد آبادی لاپتہ تھی اور اب 66 فیصد آبادی لاپتہ کی جارہی ہے، برمی، بنگالی اور افغان سب کراچی میں ہیں، ملک خوشحالی کی طرف اسی وقت جاسکتا ہے جب سب کو برابر کے حقوق دیئے جائیں اور سب کو برابر گنا جائے، این ایف سی میں تمہیں وسائل چاہئیں لیکن ہمیں کچھ دینے کو تیار نہیں، اب یہ ون وے ٹریفک نہیں چلے گا، تمہارا ریونیو کراچی و حیدرآباد سے آتا ہے، پیپلزپارٹی کو چند دنوں کی وارننگ دی ہے پھر ہم فیصلہ کریں گے تمہارے سارے مزے اور عیاشیاں زمین بوس ہوجائیں گی۔انہوں نے کہا کہ ڈالر اور تیل کی قیمتیں تیسری سنچری پر جارہی ہیں، عوام 75سال سے بولنگ کرا رہے ہیں، انہیں بیٹنگ کی باری نہیں مل رہی، لہٰذا جس وقت ہمارا سر گھوم گیا اس وقت ریڈ لائن نہیں ڈیڈ لائن کی ضرورت ہوگی۔
