ممبئی (شوبز ڈیسک) بالی ووڈ اداکار سلمان خان نے ایک مرتبہ پھر جِم سے اپنی تصاویر اپنے سوشل میڈیا اکاونٹس پر شیئر کیں جسے ان کے مداح خوب پسند کر رہے ہیں۔
پاکستان ٹائم کے مطابق سلمان خان نے اپنی تصاویر کے ساتھ لکھا حالت خراب۔سلمان خان کے لکھے جملوں سے مداحوں کو اندازہ ہوگیا کہ انہوں نے جِم میں کون سی ایکسرسائز کی ہے۔عام طور پر دنیا بھر میں جِم جانے والے لوگ ٹانگوں کی ایکسرسائز تو کرتے ہیں لیکن اسے اپنی ناپسندیدہ لسٹ میں شامل کرتے ہیں کیونکہ اس دن انسان کو بہت سخت ورزش اور محنت کرنا پڑتی ہے جس کے بعد لوگوں کی اکثریت اس دن کچھ اور کرنے کے قابل نہیں رہتی۔سلمان خان نے گزشتہ روز بھی اپنے سوشل میڈیا اکاونٹس پر اپنی تصویر شیئر کرتے ہوئے مداحوں کو بتایا تھا کہ انہوں نے ایک کامیڈی شو میں شرکت کی ہے۔
