لاہور (نیوز رپورٹر )پاکستان مسلم لیگ ق کے رہنما اور سابق گورنر پنجاب چوہدری محمد سرور بھی ملک بھر میں ایک ہی روز الیکشن کے حامی نکلے۔
پاکستان ٹائم کے مطابق رہنما مسلم لیگ ق چوہدری سرور نے نجی ٹی وی کو انٹرویو دیتے ہوئے کہ پاکستان تحریک انصاف( پی ٹی آئی) نے بھی پنجاب اور کے پی اسمبلیاں انتخابات کروانے کیلئے توڑی تھی،وسیع تر ملکی مفاد کا تقاضا ہے کہ تمام سیاستدان مل بیٹھ کرمعاملات حل کریں،اس کیلئے اپنا کردار ادا کرنے کو بھی تیار ہوں۔انہوں نے مزید کہا کہ ملک سیاسی کشیدگی کا سب سے زیادہ نقصان غریب عوام کو پہنچے گا،صوبوں اورمرکزمیں انتخابات ایک دن ہونے چاہئیں،الگ الگ الیکشن کی رسم پڑگئی توملک میں کبھی سیاسی استحکام نہیں آئے گا۔سیاستدانوں کا قصورہے جو سیاسی فیصلے عدالتوں سے کروا رہے ہیں،عدالتیں سیاستدانوں سے کہیں کہ اپنے معاملات پارلیمنٹ کے اندر حل کریں، ہمارے ملک کا المیہ ہے کہ اپنا کام نہیں کرنا اوردوسرے کے کام میں ٹانگ اڑانی ہے،تصادم سے تباہی آئے گی اور سب سے زیادہ نقصان عوام کا ہو گا،آٹے کی ایک بوری کیلئے لوگ ایک ایک کلو میٹر لمبی قطار میں لگے ہوئے ہیں،عمران خان کہہ رہا ہے کہ پی ڈی ایم نے ایک سال میں ملک کا بیڑا غرق کر دیا۔پاکستان کے موجودہ حالات کے سب ذمہ دار ہیں۔
