لاہور(سٹاف رپورٹر)وزیر اعظم شہباز شریف نے چینی کی سمگلنگ،ذخیرہ اندوزی اور منافع خوری کے خلاف بڑے کریک ڈاؤن کی منظوری دے دی۔
”پاکستان ٹائم“ کے مطابق وزیراعظم شہباز شریف کی زیرصدارت لاہور میں منعقدہ اعلیٰ سطح اجلاس میں کریک ڈاؤن کا فیصلہ کیا گیا۔اجلاس میں وزیر اعظم نے ناجائز منافع خوری اور سمگلنگ کی اطلاعات پر سخت برہمی کا اظہار کیا اور سمگلنگ کے تدارک کے لیے اسلام آباد میں اعلی سطح اجلاس بھی طلب کر لیا۔ وزیر اعظم نے ناجائز منافع خوری اورچینی کی سمگلنگ کی اطلاعات پر سخت برہمی کا اظہار کیا۔وزیر اعظم نے چینی سمگلنگ کے تدارک کیلئے کل اسلام آباد میں اجلاس بھی طلب کر لیا جس میں چینی سمیت دیگر اشیا کی سمگلنگ کے خاتمے کیلئے ملک گیر کارروائی کی حکمت عملی تیار ہو گی۔وزیر اعظم شہباز شریف کا کہنا تھا کہ اجلاس میں چینی سمیت دیگر اشیاء کی سمگلنگ کے خاتمے کے لئے ملک گیر کارروائی کی حکمت عملی تیار ہو گی۔وزیر اعظم نے سمگلنگ،ناجائز منافع خوری اور ذخیرہ اندوزی میں ملوث کرداروں سے آہنی ہاتھوں سے نمٹنے،سخت سزا دینے کی ہدایت دیتے ہوئے کہا کہ عوام کو سمگلروں، ناجائز منافع خوروں اور ذخیرہ اندوزوں کے رحم و کرم پر نہیں چھوڑا جا سکتا،عوام کو ستانے والوں سے حساب لیں گے۔شہباز شریف نے وزیر اعلیٰ پنجاب محسن نقوی کو صوبے میں چینی کی قیمت کنٹرول کرنے کے لئے موثر اقدامات اور نگرانی کی ہدایت کی۔
