ریاض(مانیٹرنگ ڈیسک )سعودی عرب میں شدید طوفانی بارشوں کا آغاز ہو گیا ہے، سعودی عرب کے علاقہ بریدہ میں کار سیلابی ریلے میں بہہ گئی۔کار میں تین بچے اور ان کے والدین سوار تھے، اس موقع پر تینوں بچے جاں بحق ہو گئے لیکن ریسکیو والوں نے ان کے والدین کو بچا لیا۔ریسکیو ذرائع کے مطابق بچوں کی عمریں ایک سال سے پانچ سال کے درمیان تھیں۔یاد رہے کہ سعودی عرب میں طوفانی بارشوں کی پیشگوئی کی گئی ہے۔ سعودی عرب کے مختلف علاقوں میں عید الفطر کے موقع پر شدید بارش اور طوفان کا امکان ہے۔
سعودی ماہر موسمیات نے معاذ الاحمدی نے عرب میڈیا سے گفتگو کرتے ہوئے کہا کہ رمضان کے آخری دنوں اور عید الفطر پر مکہ مکرمہ اور مدینہ منورہ سمیت سعودی عرب کے مختلف علاقوں میں شدید بارشوں اور طوفان کا امکان ہے۔انہوں نے کہا کہ سعودی عرب میں طوفان اور شدید بارشوں کا سلسلہ جمعرات سے شروع ہوکر جمعہ اور ہفتہ 21 اور 22 اپریل تک جاری رہے گا۔ پیر 24 اپریل سے موسم کی صورتحال تبدیل ہوگی۔ بارشوں کے باعث ملک میں موسم خوشگوار ہو جائے گا۔ماہر موسمیات کا مزید کہنا تھا کہ متعدد علاقوں میں گرج چمک کے ساتھ بارش ہوگی جبکہ ژالہ باری کا بھی امکان ہے۔ مدینہ منورہ اور مکہ مکرمہ کے علاقوں، القصیم، ریاض، تبوک کے کچھ حصوں، الجوف، مشرقی علاقے میں موسم ابر آلود اور بارش والا ہے۔جنوب میں تہامہ کی بلندیوں پر، عسیر کے علاقے میں جازان، ابھا، الباحہ، النماص میں بھی بارش ہوسکتی ہے۔
