ممبئی(شوبزڈیسک ) بھارتی معروف ریپر ہنی سنگھ نے اپنے حالیہ انٹرویو میں انکشاف کیا ہے کہ بالی ووڈ کنگ شاہ رخ خان کو مشہور گانا”لونگی ڈانس”پسند نہیں تھا۔
تفصیلات کے مطابق معروف ریپر ہنی سنگھ کا کہنا تھا کہ لونگی ڈانس گانےکو سپر سٹار شاہ رخ خان نے منظوری کیلئے 3 ہفتے لیے،منظوری کے بعد یہ گانافلم کا سپرہٹ گانا ثابت ہوا۔ یاد رہے کہ “لونگی ڈانس”گانے کو 2013 کی فلم “چنائے ایکسپریس”میں فلمایا گیا تھا اور اپنی ریلیز کے ساتھ ہی گانے نے مقبولیت کے نئے ریکارڈ قائم کیے تھے۔ہنی سنگھ کے مطابق انہوں نے اس گانے کو 30 منٹ میں کمپوز کر کے فلم پروڈیوسروں کو بھیج دیا لیکن گانے کو فلم میں شامل کرنے کیلئے شاہ رخ خان کی اجازت چاہئے تھی اور انہوں نے اس کی منظوری کیلئے تین ہفتے لئے۔کنگ خان کے التوا کے باوجود گانے کو فلم میں جگہ مل گئی اور وہ فلم کا کامیاب ترین گانا بن گیا اور شاہ رخ کے مداحوں نے اس گانے کو بہت زیادہ پسند کیا۔ہنی سنگھ انڈسٹری میں اپنے ٹاپ چارٹ گانوں کی وجہ سے معروف ہیں اور انہوں نے بتایا کہ وہ شاہ رخ خان کے ساتھ کام کرنے پر بہت زیادہ خوش تھے اور یہ کام کا موقع ملنے پر وہ اداکار کے شکر گزار ہیں۔
