ڈیرہ اسماعیل خان(وقائع نگار)پاکستان پیپلز پارٹی (پی پی پی) کے چیئرمین ا ور وزیر خارجہ بلاول بھٹو زرداری مولانا فضل الرحمان کے آبائی گاو¿ں عبدالخیل پہنچ گئے۔
”پاکستان ٹائم “ کے مطابق وزیر خارجہ بلاول بھٹو زرداری پاکستان ڈیموکریٹک موومنٹ(پی ڈی ایم)کے سربراہ مولانا فضل الرحمان کو منانے ان کے آبائی گاوں عبد الخلیل پہنچ گئے ہیں ۔ بلاول بھٹو فضل الرحمان کو پی ٹی آئی سے مذاکرات پر قائل کرنےکی کوشش کریں گے۔گزشتہ روز اتحادیوں کی ملاقات میں فضل الرحمان نے پی ٹی آئی سے مذاکرات کی سخت مخالفت کی تھی، اکثر اتحادیوں نے بلاول بھٹو زرداری کی تجویز کو بہتر سمجھا ہے۔ذرائع کا کہنا ہے کہ بلاول بھٹو زرداری کے ہمراہ قمر زمان کائرہ اور فیصل کریم کنڈی بھی موجود ہیں۔یاد رہے کہ گزشتہ دنوں پریس کانفرنس کے دوران جمعیت علماءاسلام کے سربراہ مولانا فضل الرحمان نے عمران خان سے بات چیت کا امکان مسترد کر تے ہوئے کہا تھا کہ پاکستانی سیاست اتنی گری نہیں کہ ہم عمران خان سے مذاکرات کریں۔
