اسلام آباد(وقائع نگار خصوصی)قومی اسمبلی نے انتخابات کے لئے 21 ارب روپے فنڈز دینے کی قرارداد ایک پھر مسترد کرتے ہوئے عدالت کو ٹھینگا دکھا دیا ۔
”پاکستان ٹائم“ کے مطابق الیکشن فندز سے متعلق قرارداد وفاقی وزیر قانون سینیٹر اعظم نذیر تارڑ نے ایوان میں پیش کی جسے اسمبلی نے مسترد کر دی۔اس ضمن میں وزیر دفاع خواجہ آصف نے کہا کہ ہمیں سپریم کورٹ کے 3 رکنی بینچ کا فیصلہ قبول نہیں،کوئی ادارہ پارلیمان کو ڈکٹیٹ کرنے کی کوشش نہ کرے۔خیال رہے کہ وفاقی کابینہ نے انتخابات کے حوالے سے الیکشن کمیشن کو 21 ارب روپے کی وزارت خزانہ کی سمری ایک بار پھر پارلیمنٹ کو ریفر کرنے کی منظوری دی تھی۔اس کے علاوہ گزشتہ روز قومی اجلاس سے خطاب میں وزیر خزانہ اسحاق ڈار کا کہنا تھا کہ عدالتی حکم اپنی جگہ لیکن انتخابات کے لئے الیکشن کمیشن کو فنڈز فراہم نہیں کر سکتے۔
