فیصل آباد (نیوز رپورٹر)تحریک پاکستان کی اہم شخصیت،سیاسی و مذہبی رہنما مولانا عبدالستار خان نیازی کی 22ویں برسی(آج) 2مئی کو منائی جائے گی۔
مولانا عبدالستار خان نیازی اکتوبر 1915ءکو میانوالی ضلع کے ایک معزز نیازی خاندان میں پیدا ہوئے اعلیٰ تعلیم کے حصول کے بعد انہوں نے 1936ءمیں عملی سیاست کاآغاز کیا۔ مولانا عبدالستار خان نیازی نے میاں محمد شفیع(م ش) کے ہمراہ پنجاب مسلم سٹوڈنٹس فیڈریشن کی بنیاد رکھی اس دوران انہیں عبدالسلام خورشید،مولانا ابراہیم علی چشتی،حمید نظامی اور جسٹس انوار الحق جیسے عظیم رہنماﺅں کی قربت حاصل رہی وہ ڈسٹرکٹ مسلم لیگ میانوالی کے منتخب صدر رہے ہیں۔مولانا عبدالستار نیازی جمعیت علماءپاکستان کے جنرل سیکر ٹری منتخب ہوئے وہ 1988ءسے 1990ءتک رکن قومی اسمبلی اور وفاقی وزیر لوکل گورنمنٹ و مذہبی اموررہے ہیں وہ 1995ءمیں سینیٹ کے رکن منتخب ہوئے۔مولانا عبدالستار نیازی 2مئی 2001ءکو دل کے عارضہ کے سبب انتقال کر گئے انہوں نے اپنی زندگی پاکستان اور اسلام کی خاطر وقف کر رکھی تھی اس لیے انہوں نے زندگی بھر شادی نہ کی تھی۔
