سڈنی(سپورٹس رپورٹر)کرکٹ میں پاکستان کی معروف ‘ڈبلیوز کی جوڑی’ کو آسٹریلیا میں اعزاز سے نواز اگیا،
ڈبلیوز کی جوڑی سے مشہور پاکستان کرکٹ ٹیم کے فاسٹ بولر وسیم اکرم اور وقار یونس کو آسٹریلیا کے سڈنی کرکٹ گراﺅنڈ کی اعزازی رکنیت دے دی گئی،وسیم اکرم اور وقار یونس کو پیر کو ہونے والی ایک خصوصی تقریب میں اس اعزاز سے نوازا گیا،سابق کپتان وسیم اکرم اور وقار یونس یہ اعزاز پانے والے پہلے پاکستانی ہیں،اس سے قبل ویسٹ انڈیز کے برائن لارا، بھارت کے سچن ٹنڈولکر،ویرات کوہلی اور روی شاستری کو یہ اعزاز مل چکا ہے۔
