لندن(مانیٹرنگ ڈیسک)مشرقی لندن میں حکام نے مکڈونلڈز کی برانچ میں بڑے پیمانے پر چوہوں کی موجودگی کا انکشاف کرتے ہوئے اسے صحت کے لئے“بڑا خطرہ“ قرار دے دیا جبکہ برگر میں چوہوں کی مینگنیاں ملنے پرمیکڈونلڈز کی متعلقہ برانچ کو 5لاکھ پاونڈز (تقریبا ایک کروڑ اسی لاکھ پاکستانی روپے) جرمانہ عائد کرتے ہوئے دس روز کے لئے بند کر دیا گیا ہے۔
غیر ملکی میڈیا کے مطابق مشرقی لندن میںچوہوں کی موجودگی ثابت ہونے پر مقبول فاسٹ فوڈ چین”میکڈونلڈز“ پرحکام نے 5 لاکھ پاونڈ کا بھاری جرمانہ عائد کردیا۔ایک گاہک کی جانب سے برگرمیں چوہوں کے فضلے کے ذرات پائے جانے کی شکایت کے بعد تحقیقات پر ریسٹورنٹ میں چوہوں کی موجودگی کا علم ہوا۔گاہک نے اپنا نام ظاہرنہ کرتے ہوئے بتایا کہ اِس نے مشرقی لندن کے لیٹن سٹون میں موٹرسائیکلوں کے آرڈرنگ سلاٹ سے آرڈر کیا، اسے اپنے برگر کے ریپر کے اندر چوہوں کی مینگنیاں ملیں۔اس کے بعد جب حکام نے تحقیقات کا آغاز کیا توچوہوں کی موجودگی پائی گئی، اسی روزبرانچ کو بند کرکے وہاں کھانا کھانے والوں کو فوری باہر جا نے کیلئے کہا گیا۔
واضح رہے کہ والتھم فاریسٹ بورو کونسل رواں ہفتے میکڈونلڈز کو حفظان صحت کے تین جرائم میں ملوث ہونے پرعدالت میں لے گیا تھا۔والتھم فاریسٹ میونسپلٹی تمام ریسٹورنٹس میں حفظان صحت کی درجہ بندی کے لیے ذمہ دار ہے۔برگر میں چوہوں کی مینگنیوں کی شکایت کرنے والے گاہک نے اپنا آدھا برگر ختم کرنے کے بعد ان کی موجودگی محسوس کی تھی۔اس پر اس نے والتھم فاریسٹ کونسل میں شکایت کی تھی جہاں نے متعلقہ حکام کو مکڈونلڈز کی اس برانچ میں فوری کارروائی کی ہدایت کی گئیواضح رہے کہ یہ مکڈونلڈ کی برطانیہ میں قائم 1300 برانچوں میں سے ایک تھی،جسے 10 روز کے لئے بند کردیا گیا ہے۔
