انقرہ(مانیٹرنگ ڈیسک)ترکیہ میں عام انتخابات سے چند روز قبل سرکاری ملازمین کی تنخواہوں میں 45 فی صد تک اضافہ کر دیا گیا۔
ترک صدر کی جانب سے جاری بیان میں کہا گیا ہے کہ سرکاری ملازمین کے ویلفئیر شئیر میں بھی اضافہ کیا جائے گا،سرکاری اہلکار کی کم سے کم تنخواہ 15ہزار ترکش لیرا ماہانہ ہوگی،سرکاری ملازمین کی تنخواہوں اور پینشن میں اضافہ جاری رہے گا،ترک میڈیا کے مطابق ترکیہ کے صدر رجب طیب اردوان کی جانب سے سرکاری ملازمین کی تنخواہوں میں 45فیصد اضافے کا اطلاق جون سے ہوگا،یہ اضافہ 6 ماہ کے لیے نافذ العمل ہوگا،ترکیہ میں سرکاری محکموں میں ملازمین کی تعداد تقریبا 50 لاکھ ہے،ترکیہ میں عام انتخابات 14مئی کو ہوں گے۔
