اسلام آباد(کرائم سیل)قانون نافذ کرنے والے اداروں نے کور کمانڈر ہاﺅس لاہور اور دیگر فوجی تنصیبات پر حملہ کرنے والے کچھ شر پسندوں کی شناخت کر لی جبکہ دیگر کی شناخت کا سلسلہ جاری ہے۔
”پاکستان ٹائم“ کے مطابق کورکمانڈر ہاﺅس لاہور کو جلانے، توڑ پھوڑ کرنے اور قیمتی اشیا و دستاویزات چوری کرنے والے شرپسندوں کی نشاندہی کر کے ان کے خلاف قانونی کارروائی کا آغاز ہو چکا ہے، اب تک بیشتر افراد کی شناخت ہوگئی ہے جنہوں نے کور کمانڈر ہاﺅس کا جلا ﺅگھیرا ﺅاور توڑ پھوڑ کی پرتشدد کارروائیوں میں حصہ لیا تھا جبکہ باقیوں کی شناخت کا سلسلہ جاری ہے،ان شرپسندوں کے خلاف انسداد دہشتگردی کے تحت ایف آئی آر درج کی گئی، شرپسندوں میں اویس مشتاق ولد محمد مشتاق سکنہ اوکاڑہ، عباد فاروق ولد امانت علی سکنہ لاہور، محمد حاشر خان ولد طارق بشیر سکنہ لاہور اور جہانزیب خان سکنہ کیولری گراﺅنڈ لاہور کی نشاندہی کر لی گئی ہے،پر تشدد کارکنان مسلح آتشی اسلحہ، ڈنڈے، پتھرا و پٹرول بم سے لیس تھے، اس کے ساتھ ساتھ ایسے مزید افراد جنہوں نے ملک کے دیگر علاقوں میں ملکی املاک کو نقصان پہنچایا وہ بھی قانون کی گرفت میں آ رہے ہیں۔
