اسلام آباد (مانیٹرنگ ڈیسک) وفاقی وزیر اطلاعات مریم اورنگزیب نے کہا ہے کہ ملک میں ایمرجنسی کے نفاذ سے متعلق میڈیا میں چلنے والی اطلاعات بے بنیاد ہیں۔انہوں نے میڈیا کو خبردار کرتے ہوئے کہا کہ میڈیا کوئی بھی خبر تصدیق کیے بغیر نہ چلائے۔
”پاکستان ٹائم“ کے مطابق مریم اورنگزیب نے کہا کہ کابینہ کے اجلاس میں ملک میں ہنگامی حالت کے نفاذ سے متعلق کوئی ایسا فیصلہ نہیں ہوا، میڈیا سے درخواست ہے کہ بغیر تصدیق خبریں نہ چلائے۔واضح رہے کہ میڈیا میں خبریں چل رہی تھیں کہ کابینہ اجلاس کے دوران بیشتر کابینہ اراکین نے وزیراعظم شہباز شریف کو ملک میں فوری طور پر ایمرجنسی نافذ کرنے کا مشورہ دیا۔
