کراچی (وقائع نگار) متحدہ قومی موومنٹ (ایم کیو ایم)پاکستان کے رہنما مصطفی کمال نے کہا ہے کہ پی ٹی آئی میں شامل ہونے سے انکار کیا تو نیب کا کیس بنا دیا گیا۔
”پاکستان ٹائم“کے مطابق کراچی کی احتساب عدالت میں میڈیا سے گفتگو کرتے ہوئے مصطفی کمال نے کہا کہ عمران خان کی حکومت میں مجھ پر جھوٹا کیس بنایا گیا۔انہوں نے کہا کہ عمران خان کی حکومت میں فرمائش ہوئی کہ پی ٹی آئی میں شامل ہو جاو¾۔مصطفی کمال کا کہنا ہے کہ آج جو اس ملک میں ہو رہا ہے مجھے پاکستانی معاشرے پر حیرت ہے۔ایم کیو ایم کے رہنما نے کہا کہ پچھلے چار دن میں جو کچھ ہوا اپنی ذات کے لیے کر رہے تھے، آپ کا عمل پورے پاکستان میں ایک جیسا ہونا چاہیے۔ان کا کہنا ہے کہ یہ نہیں ہو سکتا کہ ایک ڈومیسائل والے کے ساتھ ایک اور دوسرے کے ساتھ الگ رویہ ہو، غلطیاں ہم سے بھی ہوئی ہیں، آج جو کچھ پاکستان میں ہو رہا ہے پاکستان اس کا متحمل نہیں ہو سکتا۔
